ზურაბ ალავიძე საქართველოში აზერბაიჯანის ელჩს შეხვდა

ზურაბ ალავიძე საქართველოში აზერბაიჯანის ელჩს შეხვდა

საქართველოს რეგიონული განვითარებისა და ინფრასტრუქტურის მინისტრი, ზურაბ ალავიძე საქართველოში აზერბაიჯანის რესპუბლიკის ახლადდანიშნულ  სრულუფლებიან და საგანგებო ელჩს დურსუნ ჰასანოვს შეხვდა. 
გაცნობითი ხასიათის შეხვედრაზე მხარეებმა ორ ქვეყანას შორის არსებულ მეგობრულ და პარტნიორულ  ურთიერთობებზე ისაუბრეს და დღის წესრიგში არსებული აქტუალური საკითხები განიხილეს.
ელჩი მინისტრის ხედვითა და სამინისტროს პრიორიტეტებით დაინტერესდა. ზურაბ ალავიძის განცხადებით, საქართველოს რეგიონული განვითარებისა და ინფრასტრუქტურის სამინისტრო  ასეულობით მნიშვნელოვან პროექტს ახორციელებს და მენეჯმენტი ყველაფერს აკეთებს იმისათვის, რომ ეს სამუშაოები დროულად და ხარისხიანად შესრულდეს.
დურსუნ ჰასანოვმა კიდევ ერთხელ დაადასტურა აზერბაიჯანის მხარდაჭერა საქართველოს მიმართ და გამოთქვა მზაობა, მაქსიმალურად  შეუწყოს ხელი ორ ქვეყანას შორის სხვადასხვა სფეროში თანამშრომლობის გაღრმავებას.
მინისტრმა აზერბაიჯანელ დიპლომატს საქართველოში ელჩად დანიშვნა მიულოცა და წარმატებები უსურვა.